Abaz Mamo, 22 vjeç, është shqiptari i arrestuar gjatë një aksioni të të karabinierëve në Brindisi-t në Itali, që kanë sekuestruar një sasi të konsiderueshme droge. Siç raportojnë sot mediat lokale, karabinierët e Brindisi-t që mësynë mëngjesin e sotëm në një shtëpi fshati në Montenegro, pak kilometra nga qendra e banuar. Ata që ruanin drogën ishin dy shqiptarë, Abaz Mamo i arrestuar, ndërsa tjetri i ka shpëtuar prangave dhe ka humbur gjurmët. Në shtëpi, u gjetën 1 ton e 610 kg marijuanë, e ndarë në paketime nga 5 në 25 kilogram. Droga, raporton “Brindisi report” kishte ardhur nga Shqipëri. Dy shqiptarët kishin me vete dy pistoleta, një “Dan Wesson” të kalibrit 357 dhe një “Beretta” të kalibrit 7,65.
