10 ish-komunat që tashmë janë pjesë e bashkisë Shkodër për 6 muajt e parë të vitit 2015 kanë një mosrealizim prej 52 milion lekë nga të ardhurat e veta si dhe 33 milion lekë nga taksat vendore. Këto shifrat bëhen të ditura nga relacionet që do të paraqiten në këshillin e bashkisë Shkodër në mbledhjen e të shtunës së kësaj jave.
E vetmja njësi që ka tejkaluar ndjeshëm planin është bashkia Shkodër, sa i përket njësive të tjera situata nuk është shumë e mirë për 6 mujorin e parë. Ish-komunat e Velipojës, Guri Zi dhe Dajç shfaqen më problematiket në bazë të tabelës së të ardhurave dhe më pas vijnë Bërdica dhe Rrethinat. Në Bërdicë nga të ardhurat e veta janë 3 milion lekë të parealizuara dhe 2.7 milion në taksat vendore. Në Velipojë situata për 6 muajt e parë nuk është pozitive sepse janë 22 milion lekë të parealizuara ku përfshihet edhe sezoni veror dhe 14 milion lekë nga taksat vendore që nuk janë mbledhur. në Gurin e Zi janë 12 milion lekë të parealizuara nga të ardhurat e veta dhe 6.9 milion lekë nga të taksat vendore, në Dajç janë 9 milion lekë të parealizuara nga të ardhurat e veta dhe 8 milion lekë nga taksat vendore. Po ashtu edhe njësia Rrethina është problem me 3 milion lekë të parealizuara nga të ardhurat dhe 1 milion nga taksat vendore. Kjo është edhe tabela për 11 njësitë që përbëjnë bashkinë Shkodër.Disa prej ish-komunave kanë shifra të kënaqshme siç janë Postriba, Shala ,Ana Malit, Shoshi dhe Pulti por pesha specifike e tyre është thuajse e papërfillshme. Asnjëra prej tyre nuk e kalojnë shifrën 1% përsa i përket të ardhurave në peshën specifike për bashkinë e re të Shkodrës. Bashkia ka 78%, Velipoja 11%, Rrethina 6%, Bërdica 1.53%, Guri Zi 1.31% dhe Dajçi 0.81% të peshës së specifike në raport me të ardhurat. Kjo është tabela e plotë.Për 2015-ën plani vjetor është në kuotën 27% ndërkohë që për 11 njësitë në total mbeten edhe 157 milion lekë për t’u realizuar. Zërat kryesorë janë taksa e pasurisë së paluajtshme, tarifa nga bizneset dhe familjet për pastrimin e gjelbërimin dhe ndriçimin, tatimi mbi fitimin e thjeshtuar dhe taksat e reklamave. Në mbledhjen e së shtunës të këshillit bashkiak do të miratohet edhe likujdimi i borxheve apo detyrimeve për 10-ish komunat nga gjyqet që kanë humbur me palët e treta. Janë afro 17 milion lekë që nuk do të jepen nga buxheti i bashkisë por nga fondi tranzitor i qeverisë dhënë për njësitë e reja vendore. 1 gjyq i përket vetë bashkisë Shkodër, 4 përVelipojën, 1 për Postribën dhe 6 janë për ish-komunën rrethina, borxhe këto të trashëguara dhe që janë prioritet për t’u shlyer.
Pesha specifike për të ardhurat e 6 mujorit të parë 2015:
Bashkia Shkodër 78%
Velipojë 11%
Rrethina 6%
Bërdicë 1.53%
Guri Zi 1.31%
Postribë 0.89%
Dajç 0.81%
Ana Malit 0.65%
Pult 0.12%
Shalë 0.05%
Shosh 0.04%
Realizimi i të ardhurave për 6 mujorin e parë:
Bashkia Shkodër 109%, të ardhurat e veta 16 milion lekë më shumë
119% taksat vendore 16 milion lekë më shumë
(plani vjetor 55% mbeten edhe 166 milion lekë)
Bërdicë 56% të ardhurat e veta 3 milion lekë të parealizuara
49% taksa vendore 2.7 milion lekë të parealizuara
Velipojë 55% të ardhurat e veta 22 milion lekë të parealizuara
64% taksa vendore 14 milion lekë të parealizuara
Postribë 72% të ardhurat e veta 1.1 milion lekë të parealizuara
93% taksa vendore 0.1 milion lekë të parealizuara
Shalë 100% të ardhurat e veta 121 mijë lekë të realizuara
100% taksa vendore 115 mijë lekë të realizuara
Ana Malit 85% të ardhurat e veta 0.3 milion lekë të parealizuara
101% taksa vendore 0.1 milion lekë më shumë
Guri i Zi 23% të ardhurat e veta 12 milion lekë të parealizuara
22% taksa vendore 6.9 milion lekë të parealizuara
Rrethina 80% të ardhurat e veta 3 milion lekë të parealizuara
97% taksa vendore 1 milion lekë të parealizuara
Dajç 19% të ardhurat e veta 9 milion lekë të parealizuara
18% taksa vendore 8 milion lekë të parealizuara
Shosh 39% të ardhurat e veta 152 mijë lekë të parealizuara
16% taksa vendore 127 mijë lekë të parealizuara
Pult 38% të ardhurat e veta 516 mijë lekë të parealizuara
78% taksa vendore 29 mijë lekë të parealizuara
10 ish-komunat mosrealizim prej 52 milion lekë (plani vjetor 27%, 157 milion lekë mbeten për t’u realizuar)
