Një grua 102 vjeçare dyshohet se ka vrarë një 92-vjeçare në një azil në Francë.Vrasësja e dyshuar ndodhet në spital psikiatrik.
Ajo i kishte thënë një prej kujdestarëve se kishte vrarë dikë, tha një prokuror.
Një prej kujdestarëve në shtëpinë e të moshuarve në Chézy-sur-Marne, në Francën veriore, e gjeti viktimën të vdekur në krevat me fytyrën e plagosur rëndë.
Autopsia zbuloi se shkaku i vdekjes së 92-vjeçares ishte “mbytja dhe goditja në kokë”.
Vdekja u zbulua pas mesnatës së të shtunës nga një kujdestar, i cili e gjeti viktimën të shtrirë në shtrat pa vetëdije, njofton agjencia e lajmeve AFP.
102-vjeçarja në gjendje të tronditur i tha kujdestarit se kishte vrarë dikë.
Ajo po i nënshtrohet testeve psikologjike për të kuptuar nëse ishte e vetëdijshme për veprimin që bëri.
