Nga viti 2004 deri në vitin 2012 në Shtëpinë e Fëmijës 6-14 vjec në qytetin e Shkodrës janë birësuar 11 fëmijë, prej të cilëve 10 në Amerikë dhe një në Itali.
Këtë e bën të ditur në një intervistë për Star Plus Drejtori i këtij institucioni Gëzim Mahmutaj i cili theksoi se edhe 2 fëmijë të tjerë janë kontigjent për birësim drejt Suedisë. Mahmutaj e shikon me shqetësim të madh birësimin e fëmijëve nga familjet e huaja që sipas tij familjet shqiptare janë të pakta ose aspak të predizpozuara për birësim. Mësohet se familjet birësuese mbajnë kontakt të vashdueshem, së paku për 2 vjet me inspektorët e komitetit te birësimeve.Në shtëpinë e fëmijes 6-14 vjec ndodhen 43 fëmije rezidencial, ku një pjesë gjatë stines së veres kthehen me dëshire pranë familjeve të tyre për të shkuar me pushime.
