Kryedemokrati Lulzim Basha me anë të një reagimi në rrjetet sociale ka bërë një falenderim për Komisionin Europian dhe Presidenten Von der Leyen për ndihmën e dhënë Shqipërisë pas tërmetit të 26 nëntorit.
“Mirënjohës për mbështetjen humanitare nga Ursula von der Leyen dhe Komisioni Europian në këto kohë të vështira pas tërmetit të 26 Nëntorit i cili ka lënë me mijëra të pastrehë dhe në nevojë urgjente për strehim dhe shërbime”, shkruan kreu i PD.
Komisioni Evropian do i japë Shqipërisë një ndihmë prej 15 milionë eurosh pas tërmetit shkatërrues të 26 nëntorit, ku humbën jetën 51 persona në Tiranë, Durrës dhe në Thumanë.
