Ministria e Arsimit dhe Sportit prezantoi 320 mësuesit e përzgjedhur si koordinatorë për orientimin e karrierës, pas thirrjes që u hap për dy role të reja që shtohen në shkollat tona: ajo e Mësuesit Koordinator për orientimin e karrierës dhe Mësuesit Koordinator të Sigurisë së Cilësisë.
320 mësuesit koordinatorë, të shpërndarë në të gjitha shkollat do të ofrojnë udhëzime të personalizuara për nxënësit dhe prindërit, duke i orientuar në zgjedhjet e mëtejshme akademike dhe profesionale.
Këto dy role të reja do të fuqizojnë rolin e mësuesve që sigurojnë një orientim më të mirë për nxënësit drejt profesionit dhe të ardhmes së tyre dhe garantojnë cilësi në mësimdhënie dhe mësimnxënie.
