Bisedimet e pasdites në Moskë mes presidentit rus Vladimir Putin dhe Xi Jinping zgjatën katër orë e gjysmë, në ditën e parë të vizitës së presidentit kinez në Moskë. Këtë e ka bërë të ditur zëdhënësi i Kremlinit, Dmitry Peskov.
Takimi filloi në orën 16:36 me orën e Moskës. Putin dhe Xi u takuan në Kremlin për bisedime – të përshkruara nga agjencia ruse RIA Novosti si “joformale dhe tete-a-tete”. Dy liderët pritet të vazhdojnë bisedimet edhe gjatë darkës. Por dita kyçe e vizitës së Xi do të jetë nesër.
