Nevoja dhe kërkesat për punë në bashkinë Shkodër janë të konsiderueshme.
Kjo u bë e ditur nga kryetarja e bashkisë Shkodër Voltana Ademi gjatë panairit të punës që u zhvillua me aktorë të ndryshëm si bizneset, arsimi profesional, dhoma e tregtësisë dhe drejtoria rajonale e punës. Drejtorja rajonale e shërbimit kombëtar të punës në Shkodër Rozafa Zmijani bëri të ditur shifrat zyrtare duke thënë se punëkërkuesit e papunë kalojnë shifrën e 5 mijë personave. Panairi i punës ka shërbyer edhe si një mundësi lidhjeje më të ngushtë mes bizneseve me institucionet por edhe të rinjtë që kanë nevojë për punësim.
