Ndërkohë që autoritetet kanë shpallur në kërkim dhe janë në ndjekje të ish kryetarit të bashkisë së Vorës, Agim Kajmaku fiton tenderin për mirëmbajtjen e sipërfaqeve të gjelbërta, për Qendrën Spitalore Universitare “Nënë Tereza”.
Ironikja në këtë mes është fakti se është Agjencia e Blerjeve të Përqëndruara e ministrisë së Brendshme që ka shpallur fitues të tenderit me vlerë mbi 5 milionë lekë Kajmaku shpk.
Tenderi është fituar nga bashkëshortja e Agim Kajmakut më datë 30 dhjetor 2019 dhe ka afat kohor 12 muajsh.
Merita Kajmaku rezulton aksionere e vetme e kompanisë prej mesit të vitit 2019 pas akuzave të Partisë Demokratike, se Kajmaku kishte marrë përmes kompanisë së tij, rreth 2.6 milionë euro para publike, përmes tenderave.
