Dy persona kanë mbetur të plagosur pas përplasjes së dy automjeteve në Kurbin. Aksidenti ndodhi mesditen e së enjtes pranë mbikalimit të Patokut, ndërsa ne aksident u përfshinë një automjet Benz dhe një Ford. Nga përplasja mbeten të plagosur dy drejtuesit e mjeteve të cilët u moren me urgjencë nga autoambulanca e Spitalit të Laçit, nga ku mesohet se ndodhen nën kujdesin e bluzave të bardha jashtë rrezikut për jeten.
Policia e cila mbërriti menjëhere në vendin e ngjarjes nisi hetimet për zbardhjen e rrethanave dhe shkaqeve të këtij aksidenti, që paraprakisht mendohet të ketë ndodhur nga ndërprerja e menjëhershme e rruges nga automjeti tip Ford i cili po hynte në rrugen dytësor Laç-Patok, duke sjellë dhe përplasjen e fortë.
