Aksident pranë Drejtorisë së Policisë
Një aksident rrugor është regjistruar mesditën e kësaj të premtje në kryeqytet. I plagosur ka mbetur një këmbësor i paidentifikuar, i cili është përplasur nga një automjet. Menjëherë në vendngjarje kanë mbërritur forcat e policisë si dhe një autoambulancë, e cila ka bërë të mundur transportimin drejt spitalit të të lënduarit. Policia ka ndaluar drejtuesin e mjetit, ndërsa po heton dhe për shkaqet e këtij aksidenti.
