Një tjetër aksident automobilistik është shënuar në Tiranë. Makina e tipit Volkswagen Golf ka përplasur një person pak metra mbi sheshin “Shtraus”.
Nga raportimet që vijnë nga vendngjarja, një kalimtar është plagosur dhe është dërguar me urgjencë në spital, ku gjendet jashtë rrezikut për jetën.
Policia ka rrethuar vendin ku ndodhi aksidenti dhe po heton për shkaqet. Në pyetje është marrë edhe drejtuesi i automjetit që shkaktoi aksidentin.
