AKU bllokon 26 ton mish pule nga Brazili,kishin bakterin salmonele
Pas skandalit me mishin e importuar nga Brazili, Autoriteti Kombëtar i Ushqimit ka bllokuar një sasi prej 26 ton mish pule pasi kishte prezencë të bakterit Salmonele Spp. Mish i pulës i cili importohej nga firma AMG, para se të hidhej në treg i është nënshtruar analizave nga ISUV ku nga përgjigjet ka rezultuar se ishte i rrezikshëm për shëndetin për shkak se Salmonela SPP ka qenë në nivele më të larta nga sa e parashikon ligji. Salmonela SPP është një lloj bakteri i cili shkakton disa sëmundje tek njeriu. Ngarkesa prej 26 ton mish pule kishte ardhur në Shqipëri në datën 3 maj dhe në datën 10 maj është vendosur bllokimi i kësaj sasie. Bllokimi i kësaj sasie me mish pule vjen vetëm pak muaj pas alarmit se mishi që vinte nga Brazili ishte i rrezikshëm. Çfarë është Salmonela Spp? Salmonela Spp është një mikrob që mund të gjendet kudo. Salmonellosis – një sëmundje akute infektive që shkaktohet nga bakteret patogjen Salmonella, janë simptomat kryesore të dehjes dhe dehidratim.
