Në një deklaratë shpërndarë për mediat, shërbimi zjarrfikës ka hedhur poshtë pretendimet e banoreve te Melgushes ne lidhje me mungesën e gadishmërise te zjarrfikësve për shuarjen e flakëve te zjarrit.
Ne deklarate citohet se rreth orës 10.30 në sallën operative të MZSH ka ardhur një telefonatë nga shtetasi Fran Ndoj banor i fshatit Mëlgushë i cili ka njoftuar se në oborrin e shtëpisë së tij është shfaqur një vatër zjarri në bazën ushqimore të blegtorisë. Menjëherë është dërguar shërbimi zjarrfikës i cili ka bërë të mundur shpëtimin e banesës një katëshe duke bërë të mundur shuarjen e vatrës së zjarrit. Me tej ne deklarate thuhet se “shërbimi zjarrfikës me të marrë njoftimin ka zbatuar procedurën standart në këto raste duke bërë nisjen e parë sic quhet ne këto raste me mjetin më të shpejtë për të qënë sa më parë në vendin e ngjarjes. Ky mjet ka kapacitet 2000 litra ujë sasi e cila ka qënë e mjaftueshme për neutralizimin e zjarrit dhe parandalimin e përhapjes së tij jo vetëm tek shtëpia por edhe godinat përreth. Në të njëjtën kohë është bërë edhe nisja e dytë me një mjet me kapacitet 8 ton ujë dhe momentalisht ndodhet në vendgjarje për eleminimin përfundimtar të zjarrit. Pas largimit të nisjes së parë, qytetari Fran Ndoj ,pronar i banesës, ka falënderuar zjarrfikësit për punën e bërë dhe deklaratat e mëvonëshme të banorëve të tjerë nuk shfaqin të vërtetën e punës së kryer nga shërbimi zjarrfikës” Ne fund te kesaj deklarate, Sherbimi Zjarrfikes Shkodër, thekson se angazhimi i tyre eshte maksimal ne kete periudhe ku vatrat e zjarrit jane kthyer ne problematike serioze te shfaqura ne disa zona shërbimi zjarrfikës ka qënë në gatishmëri te plotë duke nderhyrë dhe neutralizuar çdo vatër.
