Policia në Brazil ka deklaruar se ambasadori grek Kyriakos Amiridis është vrarë nga një polic, i cili kishte një lidhje me gruan e diplomatit.
Policia thotë se gruaja e ambasadorit, Francoise Amiridis, komplotoi vrasjen me të dashurin e saj. Policia ka ndaluar Sergio Gomes Moreira Filho sëbashku me një kushëririn e tij, Eduado Melo dhe me gruan e ambasadorit. Melo thuhet se është paguar 25 mijë dollarë për të vepruar si vëzhgues. Kyriakos Amiridis ishte zhdukur që prej të hënës. Ndërsa trupi i tij u gjet në një makinë të djegur në periferi të Rio de Janeiro të enjten.
