Për ambasadoren e SHBA, Yuri Kim të rinjtë kanë aftësinë që të ndihmojnë në të e të ndikojnë në drejtimin e vendit. Kim ka zhvilluar ditën e sotme një takim me të rinjtë e Programit LEAD Albania të Fondacionit Shqiptaro-Amerikan të Zhvillimit.
Në këtë takim Kim ka diskutuar temat më aktuale në vendin tonë siç janë korrupsioni, reforma në drejtësi, integrimi në Bashkimin Europian e mbi të gjitha mbështetjen që SHBA jep për vendin tonë. Kim ka theksuar se kjo kohë është shumë e rëndësishme për Shqipërinë dhe nxiti studentët për të marrë parasysh rolin e tyre për ndërtimin e një të ardhme më të ndritur.
“Ambasadorja Kim takoi klasën e Programit LEAD Albania të Fondacionit Shqiptaro-Amerikan të Zhvillimit për vitin 2020-2021. Ata diskutuan një sërë temash, duke përfshirë korrupsionin, reformën në drejtësi, integrimin në BE dhe mbështetjen e Shteteve të Bashkuara të Amerikës për Shqipërinë.
Ambasadorja theksoi se kjo është një kohë e rëndësishme për Shqipërinë dhe se studentët kanë aftësinë të ndikojnë në drejtimin e vendit. Ajo i nxiti ata që të merrnin parasysh rolin e tyre në ndërtimin e një të ardhmeje më të ndritur.
LEAD Albania është një program për zhvillimin e udhëheqjes, i cili synon të ofrojë përvojë konkrete në procesin e qeverisjes së Shqipërisë për profesionistë të rinj e të talentuar”, shkruan Ambasada SHBA në Tiranë.
