Vështirësitë për ushqimin e bagëtive kanë bërë që në njësinë Ana e Malit pas kërkesave të shumta Ministria e Bujqësisë të sjellë 15 ton ushqim për bagëtitë. Shpërndarja u bë për fermerët e zonës sipas numrit të krerëve të bagëtive. Një prej fermerëve, Ylber Nasa thotë se sasia e ushqimit të sjellë për bagëtitë është e pamjaftueshme.
Kryetari i Këshillit të Qarkut Shkodër Hilmi Lakti shprehet se nevojat për fermerët në zonat e përmbytura janë për 300 ton koncentrat.
Drejtori i bujqësisë në bashkinë Shkodër Alban Sekja shprehet se nevoja për furnizimin me ushqim për bagtitë është edhe për njësitë e tjera administrative që janë të përmbytura.
Banorët e zonave të përmbytura janë në pritje edhe të furnizimeve të tjera me ushqim për bagëtitë duke qenë se ndodhen në një situatë të vështirë.
