65-vjetori i lindjes ka qenë një ditë e veçantë për drejtorin e Teatrit “Migjeni”, Arian Çuliqi. Ai është surprizuar nga kolegët e tij dhe kryebashkiaku Benet Beci, të cilët i organizuan një festë surprizë për ditëlindje. Kryetari i Bashkisë Shkodër, Benet Beci, e falënderoi Arianin për kontributin e tij në teatrin e Shkodrës gjatë këtyre viteve.
Nga ana e tij, Ariani falënderoi kryebashkiakun për mbështetjen e dhënë gjatë drejtimit të teatrit “Migjeni”.
Arian Çuliqi është një nga emrat më të njohur të artit dhe kulturës, jo vetëm në Shkodër, por në mbarë Shqipërinë. Prej dy vitesh ai drejton teatrin e Shkodrës, ku një nga eventet më të rëndësishme ka qenë rikthimi, pas 30 vitesh, i Festivalit Mbarëkombëtar të Humorit.
