Policia e Dibrës ka bërë të mundur kapjen dhe arrestimin e shtetasit J. B., 26 vjeç, pasi bazuar edhe në provat e grumbulluara, dyshohet se ky shtetas ka vjedhur orendi shtëpiake në një banesë dhe 15.000 lekë në një dyqan në qytetin e Peshkopisë.
Gjithashtu, janë zbardhur 2 vjedhje të ndodhura më herët nga ky person. Në video të shihni pamje të 26-vjeçarit teksa kryen vjedhje në një dyqan. Ai futet brenda, merr një portofol që ndodhej në një prej sirtarëve në tavolinën e punës dhe largohet menjëherë nga dyqani.
Dibër
Vijon puna për parandalimin e vjedhjeve, zbardhjen e atyre të ndodhura më parë, si dhe për kapjen dhe arrestimin e autorëve.
Zbardhen 2 vjedhje të ndodhura më parë, arrestohet në flagrancë 26-vjeçari.
Në vijim të punës për parandalimin e vjedhjeve, zbardhjen e atyre të ndodhura më parë, si dhe për kapjen dhe arrestimin e autorëve, shërbimet e Komisariatit të Policisë Dibër, mbi bazën e informacioneve të grumbulluara për një shtetas që dyshohej se kryente vjedhje banesash dhe lokalesh në qytetin e Peshkopisë, kanë organizuar punën duke bërë të mundur kapjen dhe arrestimin e tij.
Si rezultat i punës së mirëorganizuar u bë arrestimi në flagrancë i shtetasit J. B., 26 vjeç, banues në Dibër.
Në vijim të hetimeve, bazuar edhe në provat e grumbulluara, dyshohet se ky shtetas ka vjedhur orendi shtëpiake në një banesë dhe 15.000 lekë në një dyqan në qytetin e Peshkopisë.
Vijon puna edhe për dokumentimin e disa vjedhjeve të tjera që dyshohet se janë kryer nga ky shtetas.Materialet procedurale do t’i referohen Prokurorisë Dibër, për veprime të mëtejshme.
