Greqi – Shqiptari arrestohet me heroinë në ishullin grek sapo zbriti nga trageti
Një 41 vjeçar shqiptar u arrestua sot (22 nëntor) nga policia greke në ishullin Koso, pasi u kap duke transportuar lëndë narkotike me qëllim trafikimin e saj. Policia greke sqaron se shqiptari mbërriti në mëngjes në ishullin Kos nëpërmjet tragetit të nisur nga Pireu. Ai ishte vënë nën mbikëqyrje me të hipur në traget. Synimi i tij ishte të udhëtonte në drejtim të Kalymnos, ndërsa u prangos menjëherë nga forcat e rendit. Gjatë kontrollit fizik, atij ju kap 551 gram heroinë, kartë identiteti greke false si dhe dy telefona celularë. Tashmë, ai do të dalë përpara prokurorit publik në Kos.
