Ky është Edis Kadija, 26-vjeçari skulptor nga qyteti i Shkodrës i cili prej 2 vitesh ka hapur studion e tij ku krijon punime të ndryshme me materiale qeramike. Me përfundimin e studimeve në Akademinë e Arteve, Edisi i ka dedikuar pjesën më të madhe të ditës pasionit të tij duke krijuar vazhdimisht punime të ndryshme.
Edisi na tregon nga afër se si krijon punimet e tij prej qeramike, diçka që ai e ka mësuar vetë.
Skulptori 26-vjeçar tregon se për të është shumë e vështirë të sigurojë bazën materiale për punimet që krijon në studio.
Skulptori i ri në profesion, Edis Kadija e ka shtrirë artin e tij edhe në rikrijimin e objekteve me rëndësi arkeologjike duke marrë fotot e sendeve të hershme ilire dhe duke i risjellë ato në mënyrë identike si vazo apo zbukurime të tjera.
Këto punime të tij marrin shpesh vëmendjen e turistëve të huaj. Kadija shpreson që arti në qeramikë të vlerësohet dhe të njihet më shumë nga qytetarët shkodranë.
