Një video është bërë virale ku shfaqet një makinë e tipit Audi Q7, që merr përpara 11 automjete të tjera.
Makina e parë e kalon me sukses vargun e makinave të parkuara, por makina që po e ndiqte merr përpara gjithë makinat luksoze. Audi Q7 po ndiqte një Porsche, por humbet kontrollin në një rrugicë në perëndim të Londrës.
Sipas mediave britanike makinat e parkuara ishin të tipit McLaren 200 mijë paund, Bentley 200 mijë paund, Porche 40 mijë paund. Ishin plot 11 makina luksoze të dëmtuara. Pra ishte një aksident me vlerë 1 mln paund.
Djali i cili shkaktoi aksidentin doli nga makina i gjakosur dhe tha se po e ndiqnin, edhe pse videoja nga kamerat e rrugicës flet vetë.
Më pas ai u dërgua në spital dhe është jashtë rrezikut për jetën. Banorët e trembur thanë:”Zhurma ishte shumë e madhe. Shoferi doli nga makina dhe ishte i gjakosur në kokë.”
