Chevroleti i shqiptarëve përplaset me makinën e policisë, agjenti pa ndjenja
Një video e xhiruar nga një banor i zonës, tregon dramacitetin e ndjekjes me makinë nga policia mëngjesin e së shtunës në Novara të Italisë, të 5 adoleshentëve. Pamjet tregojnë momentin kur “Chevroleti” i kuq në të cilin ndodheshin 5 adoleshentë shqiptarë, përplaset dhunshëm me një makinë policie dhe një agjent që bie në asfalt. Këtij të fundit i ka rënë të fikët, raportojnë mediat lokale, gjithashtu edhe dy efektivë të tjerë janë plagosur nga aksidenti. Problemet e adoleshentëve shqiptarë, tashmë të 5 të arrestuar (identiteti i të cilëve nuk bëhet i ditur), nisën kur Chevroleti me të cilën lëviznin shkeli shumë semaforë të kuq dhe rregulla të tjera të qarkullimit, madje injoroi edhe sinjalizimin e efektivëve për të ndaluar. Ndjekja policore me makinë përfundoi, kur mjeti i shqiptarëve u përplas në parkimin e një marketi. Të 5-të ia mbathën në këmbë. Tre prej shqiptarëve u arrestuan pak pas kësaj, ndërsa dy të tjerët u vunë në pranga disa orë më vonë. Ndërkohë u përhap panik në rrugën e përshkruar nga Chevroleti i kuq. Shqiptarët akuzohen mes të tjerash edhe për tentativë vrasje. Hetimi zbuloi se makina e përdorur nga djemtë ishte vjedhur në Milano
