Greqia e Shqipëria do bashkohen përmes një autostrade e cila do shkurtojë distancat mes dy vendeve. Greqia ka shpallur tenderin për ndërtimin e autostradës Janinë – Kakavijë, pas 20 vitesh diskutime. Ministri grek i Transporteve, Kostas Karamanlis tha se “ky është një projekt emblematik, i cili filloi të planifikohej dhe diskutohej para vitit 2005, por më së fundi u bë realitet.” Kjo autostradë prej 70 km konsiderohet si një pikë lidhjeje kryesore në funksion të turizmit dhe lehtësimit të trafikut në qarkullim mes dy vendeve tona.
Bëhet e e ditur se një kilometër i saj do të kushtojë 4.5 milionë euro e planifikuar për t’u ndërtuar me të njëjtat standarde si autostrada e Kapshticë – Selanik, me dy korsi nga të dyja krahët, për të qenë një rrugë e nivelit A1 me pagesë. Greqia i ka dhënë përparësi rrugës pasi është përfshirë nga Bashkimi Europian edhe si pjesë e Korridorit Blu, ku bëjnë pjesë 8 vende Bosnje-Hercegovina, Kroacia, Greqia, Italia, Mali i Zi, Serbia dhe Sllovenia.
I gjithë fondi i planifikuar arrin vlerën prej 320 milion dollarësh. Deri tani Kroacia ka përparua më shumë në ndërtimin e akseve në territorin e saj. Nga projekti Korridori Blu, në Shqipëri kalojnë rreth 315 km nga pika kufitare në Muriqan deri në lidhjen me Kakavijën. Momentalisht Ministria e Infrastrukturës ka hapur fazën e tenderimit për akset nga Miloti në Fier.
