Selva është 4 vjeç dhe familja e saj është larguar nga Idlib në Siri për t’iu shpëtuar bombardimeve, të cilat në ditët e fundit janë intensifikuar pas një ofensive të nisur nga forcat e regjimit ndaj bastionit të fundit të rebelëve.
Edhe pse strehohen në Sarmada prej kohësh, bombat e hedhura nga avionët dëgjohen herë pas here dhe babai i saj mundohet të krijojë një lojë që vogëlushja e tij të mos trembet nga shpërthimet e tyre.
“E kam bërë të besoj se është zhurma e armëve lodër”-shpjegon babai i vogëlushes në rrjetet sociale. Loja titullohet “Është avion apo bombë” dhe kush e gjen duhet të qeshë me të madhe.
