Trondit avokati i Schumacher:Kampioni nuk mund të ecë përsëri
Felix Damm, avokati personal i legjendës së Formula Uno-s, ka treguar se gjendja shëndetësore e Schumacher nuk është aspak e mirë dhe se ai nuk mundet të ecë. Ai është shprehur se Schumacher e ka të pamundur të ecë dhe për këtë arsye ka bërë një denoncim ndaj revistës revistës gjermane Bunte. Krishtlindjet e shkuara revista ka raportuar se 7 herë kampioni i botës mund të ecte përsëri. Kjo revistë ka cituar një burim sipas të cilit thuhej se kampioni me ndihmën e fizioterapistëve mund të bënte disa hapa. Në atë kohë agjenti i Schumacher, Sabine Kehm ka lëshuar një deklaratë që mohonte këtë version. “ Për fat të keq jemi të detyruar të raportojmë që pohimi se Schumacher mund të ecë përsëri nuk është i vërtetë. Spekulime të tilla janë të papërgjegjshme sepse duke pasur parasysh seriozitetin e lëndimeve të tij, privatësia është shumë e rëndësishme. Fatkeqësisht ata ju kanë dhënë shpresa të rreme shumë njerëzve të përfshirë”. Schumacher pësoi një lëndim në kokë në një aksident me ski në Francë në vitin 2013.
