Banorë të njësisë Postribë përshkallëzuan protestën e tyre përpara bashkisë Shkodër duke kërkuar bllokimin e guroreve në fshatin Domen. Banorët pretendojnë se uji shkon i ndotur në çezmet e tyre. Ata thonë se kjo histori vijon prej 5 vitesh dhe në rast se puna e guroreve nuk bllokohet plotësisht atëherë do të bëjnë vetëgjyqësi.
Vetëm pak minuta pasi nisi protesta kryetari i bashkisë Shkodër Benet Beci u ul dhe takoi banorët e Postribës duke thënë se shumë shpejt çështja e ujit të pijshëm do të zgjidhet.
Më pas një grup përfaqësuesish prej protestuesve u pritën në një takim nga kryebashkiaku Beci duke i parashtruar kërkesat e tyre.
Kryebashkiaku Beci tha se ka një projekt për ujësjellësin në fshatin Domen dhe ky investim do të zgjidh problemin e tyre.
Në mbështetetje të protestuesve ishte edhe aktivisti Sazan Guri.
Prej 5 vitesh banorët e Postribës kanë protestuar herë pas here lidhur me guroret por deri më tani çështja e tyre nuk është zgjidhur.
