Kandidatët për kryetar të Partisë Demokratike, Eduart Selami dhe Lulzim Basha zhvilluan një takim me anëtarët e selisë blu në qytetin e Shkodrës.
I pari mbërriti Selami, i cili i qetë dhe pa shumë shtrengime duarsh, u fut në ambientet e kinema “Millenium”. Pas tij mbërriti Basha, personi që pas katër vitesh në krye të PD-së, kërkon edhe një herë shansin për të qënë “prijësi” i demokratëve. Takimi u zhvillua me dyer të mbyllura ndërsa të pranishëm ishon figura të rëndësishme të së djathtës në Shkodër si: Voltana Ademi, Ramiz Çobaj, Lorenc Luka, Ridvan Bushati, Greta Bardeli, Bardh Spahia, Benardeta Syku, Arvid Bushati etj.
