Kryetari i Partisë Demokratike, Lulzim Basha, mëngjesin e sotëm ka vizituar banorët e dëmtuar nga tërmeti në Manëz. Banorët u shprehën se ndjehen të diskriminuar pasi nuk u është siguruar strehimi njësoj si disa familjeve të tjera.
Sipas Bashës këta banorë jetojnë në çadra dhe në kushte të mjerueshme. Ndër të tjera kreu i PD, me anë të një reagimi në rrjetin social facebook, shkruan se këto banorë ndjehen të diskriminuar pasi nuk u është siguruar strehimi njësoj si disa familjeve të tjera. Sipas Bashës zgjidhja është vlerësimi i shpejtë dhe marrja e parave për rikonstruksionin e shtëpive të dëmtuara.
“Me dhjetra familje, fëmijë të mitur, të sëmurë e të moshuar jetojnë në kushte mizerabël në një kamp çadrash të mbytura në baltë në Manzë. Banesat e tyre u dëmtuan rëndë nga tërmeti duke i lënë në qiell të hapur. Shumë prej tyre u zhvendosën në çadra që nuk pengojnë dot shiun dhe të ftohtin. Përveçse në kushte të rënda, ata ndihen të fyer dhe të diskriminuar.
