Bashkia Shkodër dhe Drejtoria e Shërbimeve Publike po punojnë për pastrimin e kanaleve të para e të dyta me qëllim, përballimin sa më të lehtë të stinës së reshjeve. Muhamet Muça, përgjegjës I sektorit të kullimit dhe ujitjes në drejtorinë e shërbimeve publike tregon se në bashkëpunim me Bordin e Ujitjtes dhe Kullimit po punohet në disa zona të bashkisë Shkodër.
Përgjatë gjithë vitit, drejtoria e shërbimeve publike do të vijojë punën për pastrimin e kanaleve të ndryshme, kryesisht në njësi administrative, ndërkohë që puna vijon edhe për lirimin e kolektorit të qytetit.
