Persona ende të paidentifikuar kanë bastisur Prokurorinë e Durrësit duke vjedhur materialet në zyrat e prokurorëve.
Ngjarja ka ndodhur gjatë natës, ndërsa denoncimi është bërë nga pastruesja e këtij institucioni, e cila gjeti dyert e dëmtuara.
Burime nga grupi hetimor bëjnë të ditur se autorët dyshohet se kanë hyrë nga dera kryesore, ndërsa dyert e brendshme janë hapur nëpërmjet kartës.
Ndërkohë burimet thonë se krahas dokumentave dhe dosjeve është vjedhur edhe serveri qendëror.
Policia ka nisur hetimet për zbardhjen e ngjarjes.
Ndërkohë po kqyren kamerat e sigurisë dhe po merren shenjat e gishtrinjve për të bërë të mundur identifikimin e autorëve.
Kjo është hera e dytë që vidhen materialet në zyrat e Prokurorisë së Durrësit. Në datën 8 maj dy persona grabitën postierin pranë Prokurorisë së Rrethit Gjyqësor Durrës dhe i morën disa materiale që ai kishte tërhequr nga posta.
