Berlin, pako me eksploziv te financat
Një pako e dyshimtë pranë Ministrisë federale të Financave është gjetur mëngjesin e kësaj të mërkure, duke detyruar policinë të shkojë menjëherë në vendngjarje dhe të hetojë mbi këtë rast. Pakoja u zbulua nga stafi i ministrisë pranë “Potsdamer Platz” rreth orës 10 të mëngjesit. Ndërkohë, këtë pasdite, Bild raporton se marrësi i pakos ishte ministri i Financave, Wolfgang Schauble. Në përmbajtje të tij kishte lëndë plasëse, siç gjendet në bombat artizanale, por shumë më e fortë. Për fat të mirë, pakoja e dyshimtë ka qenë e dukshme për kontrollin me rreze X që bëhet çdo ditë përpara hyrjes në ministri. Specialistë të çaktivizimit të lëndëve plasëse shkuan menjëherë në vendngjarje, e morën atë dhe e ekzaminuan në “Grunewald”. Nga sa raportohet ka pasur të lënduar gjatë hapjes së tij, por jo dëme të mëdha. Policia u detyrua të evakuonte punonjësit e ministrisë deri në pastrimin e plotë të zonës, një operacion që ka zgjatur për disa orë.
