Vettingu në drejtësi po ecën me ritëm të ngadalta duke sjellë probleme në krijimin e institucioneve të reja.
Për afro një vit shkalla e parë e verifikimit ka kaluar në filtër 100 subjekte ndërsa shkalla e dytë vetëm 20. Me këtë ritëm këtyre institucioneve do u duhet ndoshta 1 dekadë për të përfunduar procesin.
Plot 100 magjistratë gjyqtarë prokuror dhe ndihmësa ligjor kanë kaluar prej afro një viti sitën e vettingut .Nga këta në fazën e parë e kanë kaluar testin me sukses 53 magjistratë, ndërsa kanë ngelur duke vijuar shkallët e tjera të ankimimeve 47 gjyqtarë e prokurorë.
Por pjesa më e madhe e vendimeve te KPK-së, ndodhet në Kolegjin e Posaçëm të apelimit të ankimuara nga vetë subjekti apo Komisioneri Publik.
E nëse do të vijohet me këtë ritëm të paktën 900 magjistratët në të gjithë vendin do tu duhet edhe 8 vite te tjerë të përfundojnë të gjithë procesin në fazën e parë.
Vonesat në këtë proces janë pasqyruar edhe ngritjen institucioneve të tjera siç është SPAKU apo Gjykatat Antikorrupsion. Po kjo vonesë ka sjellë edhe ngërçin e krijuar në disa gjykata, si ajo e Larta dhe Kushtetuese, të cilat vuajnë mungesën e gjyqtarëve dhe praktikisht janë jashtë funksionit.
Por vonesa më të mëdha në kalimin e filtrit vihen re në Kolegjin e Posaçëm të Apelimit, i cili për një vit ka dhënë vetëm 20 vendime.
Por të gjitha shkarkimet janë ankimuar në Gjykatën Evropiane për të Drejtat e Njeriut, e cila nuk ka marrë në shqyrtim asnjë rast për të kuptuar qëndrimin e saj ndaj vendimeve të dhëna nga institucionet e vettingut në Shqipëri.
