Dita e sotme pritet të rrisë temperaturat e krizës politike në Shqipëri.
Gazeta e madhe gjermane Bild do të publikojë në orët e pasdites përgjime të reja nga dosja “339”.
Një gjë e tillë është lajmëruar dje ( e diele) nga vetë gazetari Peter Tiede në faqen e tij në facebook ku shkruan.
“Si shqiptar unë do të shikoj të hënën pasdite, Bild.de”.
Publikimi i përgjimeve vjen një ditë para mbledhjes së krerëve të shteteve të Bashkimit Europian, që pikërisht në 18 Qershor do të vendoset për zgjerimin e unionit, që përfshin edhe fatin e Shqipërisë në lidhje me negociatat.
