Sekuestrohen mbi 35 kg marijuanë në kufirin greko-shqiptar.
Operacioni policor ndodhi në Smerto, Igumenicë, ku është ndaluar mjeti që drejtohej nga një shqiptare 25-vjeçe, e cila udhëtonte bashkë me 2 fëmijët e saj të mitur.
Pas kontrollit të ushtruar në bagazhin e automjetit të saj janë gjetur 33 pako me 35 kg 130 gram marijuanë, gjithashtu u sekuestrua edhe 1 celular.
Policia greke ka bëre me dije se e arrestuara është shtetasja K. M., 25-vjeç, pronare e një kantine pijesh në Sarandë.
Policia ka shoqëruar të renë shqiptare ndërsa pritet që të nisin hetimet e mëtejshme
