ARRESTOHET ÇEKË ZHURINA, 40 VJEÇ, BANUES NË SHKODER. Vazhdojnë operacionet antikanabis në Shkodër. Asgjesohen 300 rrënje bimë narkotike. Arrestohet kultivuesi i bimëve narkotike.
Nga puna e shërbimeve të Komisariatit të Policisë Shkodër, në vijim të operacioneve antikanabis, për gjetjen dhe asgjesimin e bimëve narkotike të mbjella, u mor informacion në rrugë operative se në fshatin Kukël, në Bushat, Shkodër, ka të mbjella me bimë narkotike. Ku u ushtrua një kontroll i befasishëm dhe u bë arrestimi në flagrancë i shtetasit : Çekë Zhurina, 40 vjeç, banues në Shkoder. Arrestimi i tij u bë pasi në kopshtin e banesës së tij u gjetën të kultivuara dhe u asgjesuan 300 bimë narkotike të llojit Canabis Sattiva me gjatësi 50 – 70 cm. Materialet i kaluan Prokurorisë së rrethit gjyqësor Shkodër, për vepren penale ”Kultivim i bimëve narkotike”, parashikuar nga Neni 284 i Kodit Penal.
