Ndonëse stadiumi “Loro Boriçi” ende nuk ka përfunduar totalisht, boskierët e Vllaznisë kanë hyrë në shtëpinë e tyre të re.
Skuadra kuqeblu ka lënë palestrën e vjetër duke nisur stërvitjen në një mjedis krejtësisht të ri dhe modern për të cilin trajneri Zef Gjoni është i kënaqur. Në palestrën e re përveç Vllaznisë momentalisht është e grumbulluar edhe kombëtarja shqiptare duke u përgatitur për eleminatorët e Azerbajxhanit për Lojërat Olimpike “Brazil 2016”. Trajneri Gjoni shpreson se kësaj here do të ketë boksier që do të kualifikohen për në olimpiadë. Palestra e re e Vllaznisë momentalisht është më e mira në gjithë vendin dhe tashmë përveç boksierëve shkodran do të shërbejë edhe për grumbullimet që do bëjë kombëtarja në vazhdimësi.
