Bregu: Të mos marrësh pjesë në zgjedhje nuk quhet fitore
Deputetja e Partisë Demokratike, Majlinda Bregu deklaroi pas mbledhjes së grupit parlamentar se opozita nuk mund të bojkotojë zgjedhjet, dhe mos pjesëmarrja në to nuk mund të quhet fitore. Sipas saj, zgjedhje më 18 qershor nuk mund të ketë. Bregu: Kam frikë se në mos u shpiktë ndonjë jetë politike në Mars, vazhdimi i luftës politike jashtë institucioneve nuk e bën Partinë Demokratike më të mirë. Edhe në qoftë se është shqetësimi im dhe i disa kolegëve të tjerë, por është halli i atyre demokratëve që nuk do të ndjehen të përfaqësuar në Parlamentin e ardhshëm. Jam e bindur që 18 qershori nuk do të jetë ditë zgjedhjesh, nga ana tjetër 18 qershori nuk mund të konsiderohet si 29 nëntori i Enver Hoxhës.
