Dëmtimi I vazhdueshëm I bypass-it të Shkodrës vijon të mbetet një problematikë tejet shqetësuese. Një investim që pritej me padurim nga qytetarët për vetë lehtësitë që sjell në qarkullim vijon të bjerë pre e vandalizmave nga persona të papërgjegjshëm të cilët dëmtojnë çdo ditë barrierat mbrojtëse përgjatë bypass-it.
Një shqetësim I tillë është ngritur disa herë edhe nga banorët, pasi barrierat dëmtohen edhe nga aksidentet e shumta që ndodhin gjatë natës në këtë zonë. Lëvizja këmbësorëve apo përdoruesve të biçikletave është është e pasigurtë si pasojë e këtij fenomeni. Disa herë është bërë zëvëndësimi I bordurave, të cilat sërish janë dëmtuar ndërkohë që ende nuk janë vënë para drejtësisë personat përgjegjës.
Një problem tjetër që rrit rrezikshmërinë në lëvizjë gjatë natës është edhe mungesa e ndriçimit, një problem ky që pret marrjen në dorëzim të investimit. Gjendja në të cilën ndodhet bypassi gjatë kësaj periudhe, të bën të mendosh që kjo vepër arti rrezikon shkatërrimin.
