Çanta të mbushura me hashash, arrestohen dy trafikantë shqiptarë në Greqi
Dy shqiptarë janë arrestuar nga policia greke në Prevezë pasi u kapën duke transportuar lëndë narkotike kanabis sativa. Sipas mediave greke, shqiptarët e moshës 26-vjeçarë u kapën në një zonë të pyllëzur, ndërsa në kërkim janë shpallur edhe dy bashkëpunëtorë të tyre. Trafikantët po transportonin tre çanta të mbushura me marijuanë me peshë të përgjithshme 78 kg kanabis. Droga ishte e ndarë në 43 pako dhe do të shitej në tregun vendas.
