VENDI

Pamja e re e kryeministrisë, me drita led, këpurdha në oborr dhe vepra të ndryshme arti në holl, ka tërhequr vëmendjen e presigjozes Financial Times. Në reportazhin e gjatë nga Tirana, gazetari Peter Aspden, përshkruan me detaje ndryshimin e ardhur përmes dorës së kryeministrit artist në godinën e epokës komuniste, ndërsa Rama i tregon histori edhe për gjyshen e tij dhe marrëdhënien e saj me artin, si dhe i ofron pijen aq të dashur për shqiptarët, rakinë!

Kryeministri Edi Rama ndërsa prezantoi ligjin e ri për pronat, u tregua më shumë se i ashpër më atë që është bërë për 25 vjet me radhë më këtë plagë të shqiptarëve. Rama tha se situata me pronat në Shqipëri është një katraurë e vërtetë, duke shtuar se në Shqipëri ka pretendentë për prona dhe kthime e kompensime, sa 2 fishi i sipërfaqes së vendit tonë.

Kryeministri shtroi mbrëmjen e së martës një Iftar me rastin e muajit të Ramazanit në Kryeministri, ku morën pjesë përfaqësues të besimeve fetare, përfaqësues të trupit diplomatik të akredituar në Tiranë, politikanë, artistë dhe gazetarë. Në fjalën e tij Rama tha se tryeza e iftarit është një tryezë ku mund të mblidhen së bashku njerëz të besimeve të ndryshme fetare, por edhe ata që nuk besojnë.

Komisioni i Veprimtarisë Prodhuese ka miratuar marrëveshjen me Gjermaninë për furnizimin me ujë të pijshëm të zonave rurale. Projekti kushton 24 milion euro dhe do të garantojë furnizimin 24 orë me ujë të pijshëm për rreth 75 mijë banorë.

Hidrocentrali i Vaut të Dejës shumë shpejt do ti nënshtrohet nje ristrukturimi duke ndryshuar rrenjesisht menyren e punes me qellim minimizimin e fenomenit te permbytjeve qe preken qarkun Shkoder . 20 milion euro do te jete shifra e kredise qe vjen nga Banka Gjermane për Zhvillim dhe mendohet qe brenda këtij viti të ndërhyhet në portat e shkarkimit dhe në qendrën e monitorimit.

TAHIRI: KEMI NJË ANGAZHIM MAKSIMAL NË LUFTËN KUNDËR TERRORIZMIT. Vendet anëtare të Bashkimit Europian dhe ato kandidate angazhohen të bashkërendojnë veprimet në luftën kundër terrorizmit dhe emigrimit të paligjshëm. E përfaqësuar nga Ministri Tahiri në takimin e Ministrave të Brendshëm në Luksemburg, Shqipëria garantoi angazhim maksimal në luftën kundër terrorizmit dhe krimit të organizuar në terësi.

KRONOLOGJI E VIZITAVE TË ZYRTARËVE TË LARTË GJERMANË NË SHQIPËRI. Gushti i viti 1984 do të shënonte vizitën e parë të një zyrtari të lartë gjerman. Ishte pikërisht kryeministrit i Landit të Bavarisë, Fanc Jozef Shtrauss, i cili në një vizitë private shkeli tokën shqiptare. Vizita dyte e tij ishte në maj të 1986. Ai do të zbriste në aeroportin gjysëm civil e gjysmë ushtarak të Rinasit me një çarter personal, të cilën e pilotonte vetë.