Trupa e Cirkut Kombëtar argëtoi fëmijët e qytetit të Shkodrës në lulishten e shadërvanit. Numrat e akrobatëve dhe prestigjatorëve të cirkut kombëtar sollën një pasdite ndryshe për fëmijët e vegjël por edhe për pak më të rritur.
Prestigjatori i Cirkut Kombëtar Juljan Kazazi thotë se këto shfaqje nga kjo trupë do të vijojnë gjatë gjithë verës në qytete të ndryshme të Shqipërisë.
Drejtorja e turizmit në bashkinë Shkodër Jorida Kurti shprehet se shfaqje të tilla artistike i japin gjallëri qytetit në këto ditë vere.
Bashkia Shkodër do vijojë gjatë gjithë sezonit të verës me aktivitete artistike e kulturore për të argëtuar të gjitha grupmoshat.
Aktivitetet artistike në Shkodër synojnë tërheqjen e sa më shumë turistëve të huaj dhe vizitorëve vendas për t’i bërë ditët e pushimit të tyre sa më të larmishme.
