Është dhënë në Stokholm të Suedisë çmimi Nobel 2018 për Mjekësinë. Çmimi është marrë nga dy mjekë, një amerikan dhe një japonez, të cilët kanë fituar çmimin Nobel për kurimin e kancerit.
Amerikani James P Allison dhe japonezi Tasuku Honjo, dy imunologjistë, kanë zbuluar një terapi për forcimin e imunitetit gjatë kurimit të kancerit.
Në Stokholm ka nisur që prej orës 11:30 dhënia e çmimeve Nobel. Këtë vit, këto çmime do të jepen pa çmimin për Letërsinë. Çmimi Nobel për Letërsinë u anulua pas skandalit seksual.
Akademia e argumentoi shtyrjen e ceremonisë me mungesën e besimit të publikut, pas skandalit seksual që përfshiu trupën prestigjioze dhe që ka çuar në largimin e 18 anëtarëve nga bordi i institucionit.
Akademia Suedeze, një këshill gjuhëtarësh dhe autorësh prestigjiozë, është përballur jo vetëm me akuzat për sjellje të pahijshme nga bashkëshorti i njërit prej anëtareve të kësaj trupe,
por dhe me akuzat për publikimin e emrave të fituesve të çmimeve përpara ceremonive formale. Jean-Claude Arnault, fotografi franko-suede i martuar me poeten Katarina Frostenson,
e cila është pjesë e Akademisë, është akuzuar se ka ngacmuar 18 femra, përveç princeshës trashëgimtare, Viktoria e Suedisë.
