Trajneri i portierëve tek Vllanzia Avenir Dani prej dy ditësh nuk stërvit portierët ku shkak si duket është afrimi si portier i tretë i Entoni Shkozës ka krijuar debate të forta me drejtuesit.
Informacione pranë klubit kuqeblu bëjnë me dije se Dani ka lënë në mes punën me portierët e tij Selimaj, Sherri dhe Shkoza, duke braktisur edhe Cungun dy ditë para fillimit të kampionatit. Arsyeja e largimit ka qenë afrimi në skuadër i portierit 16-vjeçar Enton Shkoza. Dani e ka përzgjedhur për të qenë portier i tretë i Vllaznisë, por drejtuesit nuk e kanë pëlqyer.
Kjo ka bërë që mes tyre të ketë debate të forta që kanë çuar deri në largimin e Danit dhe moskthimin e tij pranë skuadrës as në stërvitjen e djeshme. 16-vjeçari Shkoza është pëlqyer nga trajneri Dani për parametrat e tij të mira trupore dhe elementë të tjerë që trajneri i portierëve ka parë. Shkoza nuk është gati për të mbajtur presionin, pasi është ende i brishtë, por Dani e ka pikasur në kombëtaret rajonale të moshave. Shkoza bën pjesë në kombëtaren e veriut dhe është stërvitur nga Dani.
Aty ka qenë edhe kontakti i të dyve, Dani ka dashur ta afrojë pranë kontingjentit të ekipit të parë që të punojë me të, por kjo nuk është pranuar nga drejtuesit. Drejtuesit e Vllaznisë e kanë kundërshtuar këtë duke acaruar më tej situatën. Kjo ka çuar edhe në prishjen përfundimtare të marrëdhënieve. I kontaktuar nga Star Plus trajneri i portierëve tek Vllaznia është shprehur se nuk ka komente për momentin por në burime pranë klubit shkodranë bëjnë me dije se Avenir Dani do rikthehet sërisht stërvitjes pranë skuadrës.
