Kushtet e vështira atmosferike gjatë mbrëmjes të së hënës kanë lënë pa energji mbi 10 mijë abonentë, kryesisht në bashkinë Shkodër. Frida Dalipi, kryeinxhiniere në drejtorinë rajonale të operatorit të shpërndarjes së energjisë elektrike Shkodër bën të ditur se këta abonentë janë furnizuar me energji elektrike brenda natës, duke riparuar fiderat e dëmtuar në kohë rekord.
Dalipi tregon zonat në të cilat janë shkaktuar më tepër dëme mbrëmjen e së hënës.Grupet e punës në terren kanë punuar gjatë gjithë natës për riparimin e defekteve dhe rikthimin e energjisë elektrike në më shumë se 10 mijë abonentë.
