Pesë dijebërëset e fundit të xhubletës demostruan një pjesë të prodhimit të saj përpara të rinjve dhe të pranishmëve të tjerë në aktivitetin për Javën e Europës që këtë vit fokusin e kishte pikërisht tek Xhubleta. Gratë e Dukagjinit dhe Malësisë së Madhe tregojnë se prodhimi i xhubletës është i vështirë ndaj shtetit duhet që t’i ndihmojë.
Nxënëset e shkollës profesionale “Hamdi Bushati” të cilat po studiojnë për xhubletën tregojnë se ndjehen mirë që e kanë veshur për herë të pare.
Që prej vitit 2022 Xhubleta është pranuar nga UNESCO si pjesë e pasurisë botërore. Xhubleta me dije bërjen e saj, është një dukuri e rrallë shqiptare mbi 4000-vjeçare.
