1 dhjetori është dita botërore kundër HIV/AIDS ose siç njihet sëmundja e Sidës. Në kuadër të kësaj dite Njësia Vendore e Kujdesit Shëndetësor Shkodër ka zhvilluar një aktivitet sensibilizues në qendër të qytetit. Manjola Laloshi specialiste në njësinë Shkodër shprehet se vetëm dy persona janë diagnostifikuar me Sida nga 300 testime të bera gjatë këtij viti në qarkun Shkodër.
Në rast se nuk kapet në kohë HIV/AIDS është një sëmundje vdekjeprurëse ndërsa edhe në rang botëror është kthyer në një shqetësim.
