Me 4 nëntor 1990 tundëm botën, tokën e qiellin. Këto do të ishin fjalët e dom Simon Jubanit, priftit të nderuar që kremtoi meshën e parë pas 23 vitesh të ndalimit të fesë nga sistemi monist.
Në një prej intervsitave të tij gjatë viteve të fundit të jetës dom Simon Jubani kujtonte atë moment që shënjoi në historinë e Shqipërisë. Një tjetër personalitet, at Zef Pllumi, autor i librit “Rrno për me tregue” para së të ndahej nga jeta do thoshte se ajo që ndodhi në Shqipëri në sistemin monist ishte një mizori e vërtetë. 4 nëntori i 25 viteve më parë do mbahet mend gjatë si një datë historike dhe si pikënisje e rikthimit të lirisë në besimin tek Zoti.
