Drejtori i Institutit të Policisë Shkencore Xhevahir Çeloaliaj ka dhënë dorëheqjen nga policia si pasojë e arsyeve personale. Si pasojë bëhet e ditur se ndaj tij është ndërprerë edhe procesi i vettingut.
Në 4 dhjetor të këtij viti ka dhënë dorëheqjen edhe drejtori i IT në Policinë e Shtetit Ernest Dimashi duke ndërprerë kështu edhe procesin e rivlerësimit ndaj tij.
Në nisjen e procesit të vlerësimit, rreth 300 punonjës të policisë nuk plotësuan formularët dhe si pasojë ndaj tyre u ndërpre procesi i vettingut.
Deri tani në policinë e shtetit janë konfirmuar në detyrë dy drejtues Zv/drejtori i SHCBA Adriatik Ago dhe drejtori i policisë kriminale Tonin Vocaj.
Nga radhët e policisë për shkak të rivlerësimit të figurës është përjashtuar Shefi i ankesave në SHCBA Tiranë Oltjon Shehu.
Të premten pritet që para komisionit të jashtëm të vlershmit të dalë dhe Florjan Sulejmani, drejtor i drejtorisë së verifikimit të figurës dhe monitorimit të Brendshëm në SHÇBA.
Në nisjen e procesit, kërkesa për plotësimin e formularëve iu dha rreth 11 mijë efektivëve, ku një mijë janë oficerë.
Formula u aplikua menjëherë pas nisjes së vettingut në drejtësi, ku u parashikua që 300 gjyqtarë dhe prokurorë të jepnin dorëheqjen. Megjithatë në polici kjo është vetëm nisja e procesit edhe për blutë vlerësimi kalon në të tre kriteret, pasurisë, profesionit dhe pastërtisë së figurës.
