Banorët e fshatit Juban në njësinë Guri Zi u takuan me kryetarin e Partisë Social Demokrate Tom Doshi i cili përmendi disa prej problemeve më të cilat përballet ajo zonë si dhe u bëri thirrje që të votojnë PSD dhe kandidatin e PS për bashkinë Shkodër Benet Beci.
Deputeti i PSD Gledis Çeliku tha se si shumë zona të tjera të Shkodrës në Juban nevojat për investime janë të mëdha.
Banorë dhe drejtues politik të Jubanit në Gurin e Zi treguan disa prej problemeve ndërsa bënë thirrje për të mbështetur PSD në zgjedhjet e 14 majit.
Banorët në Juban deklaruan se tashmë e kanë bërë zgjedhjen e tyre duke i dhënë besimin PSD-së në zgjedhjet vendore.
